ମୁମ୍ବାଇ ଆତଙ୍କବାଦୀ ଆକ୍ରମଣ ସନ୍ଦିଗ୍ଧଙ୍କୁ ପ୍ରତ୍ୟର୍ପଣ
ୱାଶିଂଟନ/ନୂଆଦିଲ୍ଲୀ, ୨୫।୧: ୨୦୦୮ ମୁମ୍ବାଇ ଆତଙ୍କବାଦୀ ଆକ୍ରମଣ କଏଦୀ ତହାୱୁର ରାଣାଙ୍କୁ ଶନିବାର ଦିନ ଆମେରିକାର ସୁପ୍ରିମକୋର୍ଟ ଭାରତକୁ ପ୍ରତ୍ୟର୍ପଣ ପାଇଁ ଅନୁମତି ପ୍ରଦାନ କରିଛନ୍ତି। ରାଣା ପାକିସ୍ତାନୀ ବଂଶୋଦ୍ଭବ କାନାଡିଆନ ନାଗରିକ ଥିଲେ ଏବଂ ଭାରତ ଦୀର୍ଘ ଦିନ ଧରି ତାଙ୍କ ପ୍ରତ୍ୟର୍ପଣ ପାଇଁ ଦାବି କରିଆସୁଥିଲା। ୨୦୦୮ ମସିହାରେ ମୁମ୍ବାଇରେ ହୋଇଥିବା ଆତଙ୍କବାଦୀ ଆକ୍ରମଣ ମାମଲାରେ ରାଣାଙ୍କୁ ଖୋଜା ଚାଲିଛି।
ନିମ୍ନ ଅଦାଲତରେ ମାମଲା ହାରିବା ପରେ ରାଣା ଭାରତକୁ ତାଙ୍କ ପ୍ରତ୍ୟର୍ପଣକୁ ବନ୍ଦ କରିବା ପାଇଁ ଆମେରିକାର ସୁପ୍ରିମକୋର୍ଟରେ ଆବେଦନ କରିଥିଲେ। ଏହା ରାଣାଙ୍କର ଶେଷ ସୁଯୋଗ ଥିଲା।
ଅନେକ ଫେଡେରାଲ କୋର୍ଟ ଏବଂ ନିମ୍ନ ଅଦାଲତରେ ତାଙ୍କର ଆଇନଗତ ଲଢ଼େଇ ହାରିବା ପରେ ରାଣା ସାନ ଫ୍ରାନ୍ସିସ୍କୋର ଉତ୍ତର ସର୍କିଟର ଆମେରିକା କୋର୍ଟ ଅଫ୍ ଆପିଲ୍ସରେ ଶେଷ ଆବେଦନ ଦାଖଲ କରିଥିଲେ। ଭାରତକୁ ତାଙ୍କର ପ୍ରତ୍ୟର୍ପଣକୁ ରୋକିବା ପାଇଁ ରାଣାଙ୍କ ପାଖରେ ଆଉ ଏକ ଆଇନଗତ ସୁଯୋଗ ଥିଲା।