ଓଡିଶାରୁ ୧୯ ଜଣ ପୋଲିସ୍ ପଦକ ପାଇବେ।
ଭୁବନେଶ୍ୱର, ୨୫।୧: ୧୯ ଜଣ ଓଡ଼ିଶା ପୋଲିସ ଅଧିକାରୀଙ୍କୁ ଅସାଧାରଣ ସେବା ପାଇଁ ପଦକ ପ୍ରଦାନ କରାଯିବ। ପୋଲିସ ଅଧିକ୍ଷକ ସରୋଜ ସାମଲଙ୍କୁ ରାଷ୍ଟ୍ରପତି ପୁରସ୍କାର ପ୍ରଦାନ କରାଯିବ। ସେହିପରି କନଷ୍ଟେବଳ ସତ୍ୟବାଦୀ ମଲ୍ଲିକଙ୍କୁ ରାଷ୍ଟ୍ରପତି ପୁରସ୍କାର ପ୍ରଦାନ କରାଯିବ। ଛଅ ଜଣ ପୋଲିସ ଅଧିକାରୀଙ୍କୁ ସାହସିକତା ପୁରସ୍କାର ପ୍ରଦାନ କରାଯିବ। ଏଗାର ଜଣ ପୋଲିସ ଅଧିକାରୀଙ୍କୁ ସେମାନଙ୍କର ଉଲ୍ଲେଖନୀୟ ସେବା ପାଇଁ ସମ୍ମାନିତ କରାଯିବ। ରାଷ୍ଟ୍ରପତି ପୁରସ୍କାର ଅଗ୍ନିଶମ କର୍ମଚାରୀ ଭମ୍ରବ ସେଠଙ୍କୁ ଦିଆଯିବ। ସେହିପରି ଅଗ୍ନିଶମ ବିଭାଗରେ ଉଲ୍ଲେଖନୀୟ ଅବଦାନ ପାଇଁ ଚାରି ଜଣଙ୍କୁ ସମ୍ମାନିତ କରାଯିବ। ସିଭିଲ ଡିଫେନ୍ସ ଏବଂ ହୋମଗାର୍ଡ ବିଭାଗର ତିନି ଜଣ ସଦସ୍ୟଙ୍କୁ ପଦକ ପ୍ରଦାନ କରାଯିବ। ହୋମଗାର୍ଡ ସୌଭାଗ୍ୟ ପ୍ରଧାନ ଏବଂ ପ୍ରମୋଦ କୁମାର ରାଉତଙ୍କୁ ରାଷ୍ଟ୍ରପତି ପଦକ ପ୍ରଦାନ କରାଯିବ।